日前勇夺世冠盃嘅曼城，星期四(28日)凌晨重返英超作客爱华顿，王牌前锋艾宁夏兰特喺圣诞节就化身圣诞老人「报佳音」，据报佢嘅伤患已经康复，有机会喺今仗复出。

艾宁夏兰特喺社交网贴相，用AI技术将自己变成圣诞老人，左手揽住欧联足球、右手拎住欧联冠军奖盃，留言表示：「Ho！Ho！Ho！圣诞节到啦！希望你同爱人一齐分享！」

艾宁夏兰特今季15场联赛入14球，但自今个月初脚伤後一直缺阵，养伤3个星期後，早前随队去沙特踢世冠盃期间已轻度复操，嚟紧对爱华顿或有机会先任後备，30号对锡菲联有望复出担正。