英国富豪拉特克利夫日前正式以13亿镑(约130亿港元)收购曼联25%股份後，将会进行大改革，根据英国《衞报》爆料，呢位「化工大王」第一步系精简球会人手，准备裁员300人，腾出资金作用收购球员。

拉特克利夫早已对曼联近10年财政支出感到不满，据悉佢将於下月派出核数团队审查红魔鬼盘数，并会大肆精简球会架构及人手，唔计球员及教练，红魔鬼现时有1,000位员工，拉特克利夫计划裁员300人。

虽然拉特克利夫入主曼联後，承诺投资2.37亿镑(约23.7亿港元)，但呢笔资金只会用於改善训练设备、场地等基础设施，并唔包括转会预算，佢为咗更有效使用资金增兵，以及符合公平财政条例，所以要搵现有职员开刀，唔少经理级中层管理员工人心惶惶。

此外，拉特克利夫亦会搵亲信巴斯福特加入管理层，曾经担任巴黎圣日耳门及祖云达斯高层嘅桑白兰斯可能接手做行政总裁。