曼联近期好事连连，英国富豪拉特克利夫正式入股「揸旗」，上场联赛又戏剧性3比2反胜阿士东维拉，阵营士气高昂。据报养伤1个半月嘅中场美臣蒙特，周三(27日)亦喺卡宁顿训练基地恢复操练，短期内会跟大队练习，有望2024年强势回归。

美臣蒙特喺11月初对卢顿小腿受伤，直至周三首次返卡宁顿练习，由於大部份球员踢完对维拉一战後休息，所以美臣蒙特只系喺雨中作轻度操练，预计好快会全面复操，目标系喺2024年第1击，喺英足盃对韦根复出。

美臣蒙特季前由车路士加盟後，表现一直未如理想，受伤前8次喺联赛上阵，只有4场系做正选，目前仍未开斋。曼联领队坦哈格早前透露对美臣蒙特仍好有信心：「我觉得佢每次落场，对球队都有帮助，派佢踢正选我完全冇问题。