选票曝光!红军3星唔撑夏兰特 叶鸿辉另类选择
2024-01-18 来源: 八一体育 点击
今届世界足球先生竞争系史上最激烈,球圈普遍认为「3冠王」夏兰特得奖更「合理」,但结果出人意表,美斯同艾宁夏兰特喺4个投票界别中各赢2个,同得48分情况下,决胜负方法系由「队长首名票」决定,而美斯正正喺国家队队长票选中赢出而封王。
美斯赢嘅系「队长票」同「球迷票」,粉丝众多嘅美斯赢出球迷投票系意料中事,但估唔到「同行」嘅国家队队长都倾向美斯。根据国际足协公开嘅投票结果,就连阿根廷队长美斯自己都「大公无私」咁投夏兰特第1名,不过「球王」魅力没法挡,哈利卡尼(英格兰)、基利安麦巴比(法国)、卢卡古(比利时)等都投美斯,而利物浦3星华基尔云迪积克(荷兰)、安德鲁罗拔臣(苏格兰)同穆罕默德沙拿(埃及),亦清一色将美斯摆第1名。
至於香港队队长叶鸿辉就有另类选择,佢嘅头3名依次为奇云迪布尼、艾宁夏兰特同美斯,「阿辉」解释道:「迪布尼上届协助曼城攞到三冠王,当中嘅表现带动到曼城交出好成绩,而且亦有不少重要助攻,绝对系曼城嘅关键人物。」教练庄恩安达臣嘅头2张票亦畀晒曼城,头3名依次为艾宁夏兰特、根度简同基利安麦巴比。值得一提嘅系,葡萄牙队长票唔系由C朗拿度代表,而系中坚比比投票,佢将第1名畀咗「自己友」贝拿度施华。
上一篇:【亚洲盃】南韩斗巴林旺半细 | 下一篇:奥拿拿飞机延误缺阵 喀麦隆失分再爆 |
相关阅读
- 01-18选票曝光!红军3星唔撑夏兰特 叶鸿辉另类选择
- 01-18迪高表明无意换帅 沙维证实1月冇钱签人
- 01-17英超23/24赛季-切尔西1-0富勒姆
- 01-17辉煌不再的世界大赛!世俱盃的前世、今生与未来
- 01-17非国盃热门齐甩拖 沙拿救命波帮埃及执1分
- 01-17奥拿拿飞机延误缺阵 喀麦隆失分再爆内乱
- 01-17衞冕之师扑击冈比亚 塞内加尔细盘好过W
- 01-17宾施马被踢出集训营 皇马、曼联、里昂抢人
更多>>精选阅读