曼联作客4比3绝杀狼队，不过就传出令人担心嘅消息，做完手术复出冇耐嘅阿根廷中坚利辛度马天尼斯，完场前被换出後要由军医喺脚部敷冰，怀疑再度受伤，佢上年已经2次因跖骨骨折而开刀，如果再伤将对曼联造成极大打击。

利辛度马天尼斯自上年9月受伤後，一直养伤到上月中先复出，今仗只系佢复出後第2场正选。今场当狼队追到2比3後，利辛度马天尼斯被调离阵，返到後备席即时要用冰袋包实脚掌，曼联冇咗佢之後亦再失1球，好在有马恩奥绝杀帮曼联赢波。

利辛度马天尼斯今场表现出色，曾经救空门之余，作出60次成功传送亦系全场最高。曼联官方未有交代呢位阿根廷中坚嘅健康情况，预料可能系重伤初愈嘅後应，敷冰只系预防性质，应该唔使太担心。