水晶宫上周宣布换帅，奥地利藉领队格拉斯拿代替鹤臣领军，周六(24日)首度领军即带领球队主场3比0大胜般尼，成为球会史上第2年首演赢波嘅主帅。

水晶宫今场占尽上风，令般尼全场0次中龙攻门，并喺下半场嘅11分钟急攻连入3球，最终大胜3比0。水晶宫喺英超历来15任领队，只有柏杜(2015年)喺首次领军赢波，格拉斯拿今场成为第2个，拎到梦幻开始。

格拉斯拿赛後表示：「球员竭尽全力，做好我哋赛前准备嘅分析，所以今场备战非常完美。我要多谢教练团队，佢哋只系加入咗3日，呢场胜仗嘅功劳全归於球员同教练团，我哋踢出一场出色嘅比赛。」