古里莫维卡里奥今季由安玻里加盟热刺之後，迅速上位，呢位27岁意大利门将唔止球场演出神勇，情场亦有收获，根据《罗马体育报》爆料，古里莫维卡里奥同性感网红Antonella Fiordelisi秘密挞着，令网民羡慕又妒忌。

现年25岁嘅Antonella Fiordelisi系一位着名模特儿及网红，曾经拍过戏，以前仲系一剑击运动员。由於Antonella一直行性感路线，经常喺社交网Instagram(IG)上载超索相片「派福利」，吸引大量网民关注，IG上有150万「粉丝」，难怪古里莫维卡里奥都成为佢嘅裙下之臣。

据悉古里莫维卡里奥曾经同Antonella喺伦敦密会，但2人仲未公开关系，似乎想玩地下情，以免「粉丝」伤心。