宾福特周四(20日)凌晨英超1比3不敌曼联，接连第3场联赛输波，不过佢哋上半场其实系表现更好嗰队，压逼性踢法打到曼联後防立立乱，宾福特领队法兰克赛後唔忿气，直指曼联赢波系超级无敌劲好好运！

丹麦教头法兰克赛後表明：「宾福特系全英超最细球会，而曼联系英超最大球会，我哋上半场彻底摧毁曼联，打到佢哋冇喘息空间，而且有3次入波黄金时机，基本上(宾福特)冇得唔赢。曼联系超级无敌劲好运，佢哋上半场冇落後0比2系个奇迹，我当然知道把握力嘅重要性，亦要赞扬迪基亚嘅神勇，但假如呢啲时机再呈现我哋必定入到波。我哋用宾福特嘅足球杀死曼联，逼到曼联要为藐小嘅宾福特变阵，我为球队感到光荣。」