日前意大利盃拉素对乌甸尼斯一战，拉素凭恩莫比尼加时入波赢1比0，该仗场边发生一件事被人谈论，就系拉素主帅沙利，比赛期间被球员撞跌，值得令人谈论嘅系，佢跌个四脚朝天，但仍然保住手中烟！

事件发生喺加时期间，双方球员争波，乌甸尼斯前锋普锡图冲出场边，同沙利撞埋一堆双双倒地，慢镜所见沙利被撞至头背落地，眼镜飞脱，跌个四脚朝天，但与此同时，佢右手仍然力保手中烟并未掉弃。

其实如果佢放弃手中烟，用右手保护自己，佢喺被撞甚至落地时，身体都会受到保护，但沙利不愧系「烟铲」，宁愿自己变滚地葫芦，都要用身体保护香烟；佢落地後亦冇受伤，起身之後同球迷挥手，63岁都咁敏捷，可见佢虽然食咁多烟，但身体唔错噃！