周四凌晨英足盃16强，英冠卢顿於主场挑战车路士。卢顿近况出色，有力争升班；反观车路士赛程频密，之前接连出战欧联16强首回合，以及英足盃决赛，未必回得切气，今仗势难倾巢而出抢攻，2.5球嘅入球细值得留意。

（周四凌晨3时15分开赛）

车仔坐拥卢卡古、夏维斯等出色锋将，但攻击力唔算强劲，近10场波未试过入多过两球；加上球队啱啱喺英联盃决赛对利物浦，激战120分钟饮恨而回，士气必然受挫。「蓝战士」目前英超前4位置未稳阵，领队杜曹今场或会调整阵容，收起部分主力，包括上场受伤嘅队长艾斯派古达，以及後衞杜利奥查洛巴，以应付两日後的联赛。

主场嘅卢顿为英冠前列分子，近9场只尝一败，实力不容小觑，加上佢哋近8次地头出击保持不败，今次对车路士有力制造惊喜。「蓝战士」近6场英足盃法定时间，5次开2球或以下，包括上圈90分钟内同普利茅夫踢成1比1，直至加时阶段先靠马高斯阿朗素奠胜，今场一於再追2.5球细盘。