曼城红军赛程比较施华：我哋位置更靓！

2022-03-16　来源: 八一体育点击

曼城喺英超再度失分，依家只系比利物浦多4分兼踢多1场，如果计失分只系得番1分优势。睇番两队余下赛程，曼城嘅对手明显较利物浦「易食」，难怪贝拿度施华都话满意球队依家嘅位置，无惧利物浦挑战。

曼城剩低嘅9场联赛，有3场系对住依家排最後5名嘅球队，列斯联、屈福特、般尼以及白礼顿都跌紧watt，除利物浦之外最强对手就系韦斯咸；相反利物浦余下10场联赛有唔少「硬嘢」，包括周四(17日)凌晨作客阿仙奴，另外仲要撼曼联同热刺2支争夺前4嘅球队，加上对曼城嘅争冠大战要作客，客观环境颇为不利，而「红军」最大优势就系状态弗爆。

葡萄牙中场贝拿度施华表示：「仲有9场联赛，英超系漫漫长路，我哋依家处於有利位置，曼城嘅位置肯定比利物浦好，唔好忘记佢哋仲要嚟曼城嘅主场比赛，呢场大战肯定刺激！」

曼城余下赛事：

客vs般尼

主vs利物浦

客vs狼队

主vs屈福特

客vs列斯联

主vs纽卡素

客vs韦斯咸

主vs阿士东维拉

主vs白礼顿 (赛期未定)

利物浦余下赛事：