今晚欧联16强次回合，衞冕嘅车路士作客里尔。虽然车仔近期陷入多事之秋，但佢哋班球员位位经验丰富，落得场就会专注番比赛上面。呢支伦敦劲旅首回合先赢两粒，今仗可以睇定嚟食，加上佢哋出战欧联淘汰赛必定稳阵行先，2.5球嘅入球细不妨再追。

（Now 643周四凌晨4时直播）

法甲球队里尔喺今届欧联成功杀入淘汰赛，但近况仅属一般，连盃赛在内，呢支上季法甲盟主近8仗只得3胜2和3负，其中首回合造访车仔，将防守中场奥拿拿客串进攻中场，效果明显欠佳，令形势更加被动下净吞双蛋，无论攻力、质素及战术方面，样样都比车路士逊色。

而且里尔喺日前联赛闷和圣伊天之役，更有好番冇耐嘅连拿度辛捷士伤出，今仗上阵成疑，若然冇咗呢位中场发电机，想收复失地更加困难。

车仔喺首回合发挥理想，凭夏维斯及基斯甸普列锡各建一功，主场赢2比0抢到先机。尽管近日受到班主阿布拉莫域被制裁嘅消息困扰，球队前景未明，但联赛连赢诺域治同纽卡素，反映众将士气未受太大影响。

况且「蓝战士」主帅杜曹深明「防守得冠军」嘅道理，自从佢接手後，近8次领军车路士出战欧联淘汰赛仅失两粒，全开2球或以下，可见佢哋踢淘汰赛特别小心翼翼。既然车路士队长艾斯派古达、马高斯阿朗素及赫臣奥杜尔等有伤病在身，依家又有两球优势喺手，今晚可睇定嚟踢，只要唔失波，就算入唔到波都唔会介意，入球细咪错过。