被称为「插花王」嘅巴西经典球星丹尼臣，挂靴12年後突然宣告复出，以44岁高龄加盟巴西业余球会伊比斯体育会(Ibis Sport Club)，勾起唔少球迷嘅集体回忆。

丹尼臣脚法出众，喺1998年更加以破世界纪录转会费嘅2,200万镑，由圣保罗加盟西甲球会贝迪斯，2002年更协助巴西国家队赢得世界盃冠军。丹尼臣喺球会成就唔高，2010年退休前曾去过越南同希腊次级联赛落班，相隔12年後，丹尼臣以44岁高龄宣布复出。

丹尼臣周三(23日)喺社交网自称为「爸爸」，宣布呢项喜讯：「官宣啦！我终於可讲出嚟，由今日开始我会着起伊比斯体育会波衫...收到邀请後我同屋企人商量，『爸爸』时隔12年後决定重返球坛！」丹尼臣退休後曾公开踢过慈善赛，但更多时间系参加啤牌赛事。