52岁嘅阿积士主帅坦哈格已於上周与曼联管理层接触，参加曼联领队嘅面试，等待一个星期後，坦哈格对於仍未收到曼联聘约感到惊讶，因为佢同其他应徵者唔同，佢教曼联唔系为钱，因为佢本身已经系有钱人。

英国《镜报》报道，坦哈格系荷兰最大地产金融公司之一嘅太子爷，现时家族产业由另两位兄弟掌管，坦哈格拥有相同股份，佢随时可以脱离足球返去继承家族生意，不过佢并无咁做，而系发展自己嘅足球事业。

坦哈格由89年至02年效力过荷甲多间球会，司职中坚，2012年开始从事教练工作至今，一直走自己嘅足球路，近年执教阿积士闯出名堂，依家佢希望执掌曼联教鞭，带领红魔鬼创造辉煌。