意大利啱啱出局，无缘今年嘅世界盃决赛周，成为最近球圈嘅话题，而呢支4届世界冠军近日再成为传媒焦点，网上流传一张佢哋对战北马其顿赛後嘅更衣室相片，满地垃圾，再成热论话题。

流传嘅图片系拍於意大利对北马其顿比赛後嘅更衣室相片，当中可见更衣室满地垃圾，不论地上或长櫈上都系杂物，仲有大量水樽、纸巾、食剩嘅食物同烟头等；有球迷就话意大利唔单止输波，仲输埋形象。

意大利连续两届世界盃无缘决赛周，已经令球迷相当失望，多位球员亦遭炮轰，主帅文仙尼考虑辞职。