法国周三(30日)凌晨热身赛对南非前，阵中2位曼联球星保罗普巴同华拉尼，分别因伤缺席赛前操练，消息指2人嘅伤患唔算严重，但实际伤情仲有待进一步检查，如果佢哋要养伤，对曼联季尾冲刺无疑系重大打击。

法国上场热身赛赢科特迪瓦，保罗普巴同华拉尼都正选上阵，不过华拉尼喺下半场早段已经伤出。虽然领队迪甘斯话佢只脚出现「小问题」，但华拉尼日前并唔能够跟大队操练，只系进行个人练习，而且只维持10分钟就提早终止，令人担心佢嘅伤势唔系咁简单。

至於保罗普巴亦冇份参与法国对南非赛前练习，记者Baptiste Durieux指呢位中场左脚受伤，《巴黎人报》就指保罗普巴今次伤患并唔严重，对南非嘅热身赛「上阵成疑」。