阿仙奴喺周二(5日)凌晨英超作客以0比3不敌水晶宫之後，令英超第4位之争更加混乱，热刺、阿仙奴，韦斯咸、曼联咬得非常紧，第7位嘅红魔鬼只系落後第4位热刺3分，随时可以後来居上。

英超前4位可以参加欧联，每季都系兵家必争之地，今季前3位基本上属於曼城、利物浦、车路士囊中之物，余下1席争夺战斗得非常激烈。原本大好形势嘅阿仙奴却喺近3场英超输2场，被同分嘅热刺凭较佳得失球差抢走第4位，但兵工厂踢少热刺1场，仲有机会反超前。

至於第6位韦斯咸同第7位曼联同分，但韦斯咸多1场，红魔鬼仍然有望打入前4位，不过前提系唔好再失分，曼联近4场英超仅1胜2和1负，佢哋将於4月23日晚同阿仙奴交锋，成为争入前4位最关键一仗。

英超第4位之争形势

4.热刺 30场54分 +15球

5.阿仙奴 29场54分 +10球

6.韦斯咸 31场51分 +11球

7.曼联 30场51分 +8球