上星期在世盃外对澳洲梅开二度，协助日本出线决赛周嘅三笘薰，返到欧洲再演好戏，周日在比甲交出靓助攻，协助圣基莱斯联作客3比1击败标准列治，提前一轮夺得比甲常规赛冠军。

三笘薰离开川崎前锋，加盟白礼顿後，随即外借到比甲圣基莱斯联，呢位日本国脚为球队上阵21场攻入6球，今仗对标准列治又交出靓助攻，协助球队锁定3比1胜局，赢波後抛离次席布鲁日5分，提前一轮夺得比甲冠军。三笘薰为川崎前锋赢完日职冠军，去到欧洲又捧比甲冠军，外流欧洲有个好开始。

至於圣基莱斯联亦好神奇，佢哋上季先赢得比乙冠军升班，升班首季即夺比甲常规赛冠军，出年嘅欧联将会见到佢哋。