今晚欧霸盃8强首回合重头戏，英超「锤仔帮」韦斯咸主场硬撼法甲里昂。喺法甲失准嘅里昂踢欧霸可谓判若两队，今届一场波都未输过，气势如虹；相反韦斯咸喺今季欧霸盃表现略嫌飘忽，客胜好分头值得捧场。

（Now 643周五凌晨3时直播）

韦斯咸喺16强次回合要斗到加时，先凭耶莫兰高嘅入波淘汰西维尔，不过佢哋近3场欧霸赛事输咗两场，包括曾於主场不敌萨格勒布戴拿模，表现唔算得可靠。「锤仔帮」前锋米查利安东尼奥已经足足成个月冇波入，正陷入信心危机，加上阿根廷中场兰仙奴今场要停赛，攻力成疑，另外正选後衞宾庄臣或继续因伤缺阵，对近7场赛事6仗有失波嘅韦斯咸嚟讲，绝对系一大打击。

法甲球队里昂16强两回合计以2比1击败葡超劲旅波图，佢哋今届喺欧霸盃发挥出色，8战录得6胜2和不败佳绩，夹埋狂轰18球，绝对有力反客为主。虽然喺欧霸贡献6球嘅首席射手托高伊甘比，今场上阵成疑，但另一射手迪比利最近状态唔错，近4场轰入4球，16强次回合仲帮球队先开纪录，呢位法国前锋将会肩负入波重任。

翻查数据，里昂近6场欧霸盃作客全胜，今场造访英格兰赢埋唔奇，客Ｗ好分头有可取之道。