今晚欧协联8强首回合对决，英超「狐狸」李斯特城主场迎战荷甲劲旅燕豪芬。年初一度陷入低潮嘅李斯特城，近期走势回勇，成功杀入欧协联8强，尤其主场优势明显，今场面对欧战作客飘忽嘅燕豪芬，「狐狸」有望趁地利抢食头胡，小让平半上盘属信心之选。

（Now 644周五凌晨3时直播）

李斯特城今年年初各项赛事曾试过5场不胜，更一度传出领队罗渣士帅位不稳。不过佢哋班球员始终有质素，经调整後近期表现有所反弹，尤其喺主场出战特别醒神，近4仗主场全胜，包括欧协联淘汰圈附加赛及16强，先後击败丹麦球队兰达斯同法甲代表雷恩。

李斯特城喺各项国内盃赛已经出局嘅情况下，除咗要喺英超继续抢分改善排名外，当然希望喺欧协联抢一番成绩。虽然中场尼迪迪提早收咧，王牌占美华迪亦有伤在身，但哈维班尼斯、占士麦迪臣同伊恩拿祖就挺身而出，其中上场就系靠後者嘅入波，以1比1赛和强敌曼联。

今届同样由欧霸盃降级转战欧协联嘅燕豪芬，先後淘汰以色列球队特拉维夫马卡比同丹麦嘅哥本哈根杀入8强，至今遇到嘅挑战唔算太大。球队上场联赛以3比3激和川迪，联赛争冠之路遇上阻滞，亦反映球队後防甩漏情况颇为严重，今场造访主场特醒嘅李斯特城，相信燕豪芬难有作为，上盘系不二之选。