曼联球星C朗拿度喺输畀爱华顿一仗後，公然袭击一名14岁患自闭症嘅球迷，将佢只手打瘀兼打烂电话。C朗事後公开道歉，消息指曼联将唔会就事件向佢追究或处分，不过有儿童慈善组织就即刻「割席」，发声明否认C朗系组织嘅大使。

C朗多年来做善事不遗余力，包括为多间儿童慈善组织筹款，但良好形象因为今次事件引爆公关灾难。英国组织Save the Children周日(10日)发出声明，强调C朗自2018年开始已经唔系组织嘅大使：「C朗曾经协助Save the Children救助全球无数贫困家庭，但自2018年7月开始已经冇合作，佢亦唔再系组织嘅大使。」C朗目前系联合国儿童基金会(UNICEF)葡萄牙大使，但UNICEF拒绝对今次事件作出回应。

英国《太阳报》报道，曼联对C朗袭击球迷嘅调查已经结束，球会方面决定接纳C朗嘅道歉，唔会向佢作出处分，不过默西赛德郡警方仍就事件进行调查，唔排除没有手尾跟。