曼城利物浦巅峰对决 赛程解密蓝月势封王?
英超巅峰对决斗到煞科?周一(11日)凌晨冠军前哨战,曼城同利物浦合演极高水平嘅激战,最终2比2打成平手,曼城目前仍然以1分优势力压利物浦排榜首,最後7轮联赛肯定斗得精彩!分析双雄余下赛程,无论对手排名同近况都非常接近,「易食指数」不相伯仲,但如果以两队上季相同赛事嘅成绩计算,曼城将以8分优势封王!
曼城喺两度领先兼较好形势下,主场被利物浦逼和2比2,领队哥迪奥拿赛後悔恨「放生」对手:「我嘅感觉系放生咗利物浦,佢哋系支好好嘅球队,但我以曼城嘅表现为荣,我唔想球员有一刻嘅难过。我哋知道余下嘅联赛,只要有1场失分就会失去冠军,肯定唔容易应付,但利物浦亦面对同样嘅情况。」
英国传媒分析两队余下赛事,双雄最後7轮各有4仗主场同3仗作客,如果以对手排名计算,曼城对手平均排名系12.4位,利物浦嘅对手平均就排11位,差别唔大;论对手近期状态,曼城同利物浦嘅对手喺近3轮同样拎到23分。无论系主客场、排名以及近况,两队嘅赛程「易食指数」都系不相伯仲。
不过,一项神秘数据对曼城就非常有利,如果根据双雄上季(20/21球季)喺相同赛事嘅成绩计算,曼城最後7轮会有4胜3和合共15分,相反利物浦只得2胜2和3负嘅8分,当中包括输畀爱华顿、阿士东维拉同修咸顿3仗,心理上无疑会有压力。
今仗获选为最佳球员嘅曼城中场奇云迪布尼,赛後表示曼城争标仍处上风:「我哋今场踢得好好,依家亦处於上风,对两队嚟讲要赢晒余下比赛都系好困难,但我哋会尽力尝试,今仗嘅表现就系余下比赛应该要有嘅水准。」
【曼城余下赛程】
主客 对手(联赛排名) 上季对赛成绩
主 Vs 白礼顿(11) 胜
主 Vs 屈福特(19) 和(对英冠次名升班)
客 Vs 列斯联(16) 和
主 Vs 纽卡素(15) 胜
客 Vs 韦斯咸(6) 和
主 Vs 阿士东维拉(12) 胜
客 Vs 狼队(8) 胜
对手平均排名:12.4
【利物浦余下赛程】
主客 对手(联赛排名) 上季对赛成绩
主 Vs 曼联(7) 和
主 Vs 爱华顿(17) 负
客 Vs 纽卡素(15) 和
主 Vs 热刺(4) 胜
客 Vs 阿士东维拉(12) 负
客 Vs 修咸顿(14) 负
主 Vs 狼队(8) 胜
对手平均排名:11
上一篇:寿星仔文尼建奇功 利物浦激和曼城2比 | 下一篇:儿童慈善组织同C朗割席 曼联不作处分 |
- 05-24曼城先声夺人!孖宝齐攞英超最佳奖项
- 05-24C朗受伤缺阵煞科战 曼联随时冇埋欧霸资格
- 05-24正式反面!罗拔仔经理人:拜仁已成历史!
- 05-2421/22英超冠军-曼城-最终战骇人游戏
- 05-24曼联新帅首次专访 10条妙计激活红魔鬼
- 05-24奇兵根度简省两粒 曼城戏剧性反胜维拉夺冠
- 05-24孙兴民激斗沙拿齐夺金靴 亚洲史上第1人
- 05-24感激曼城支持 辛真高想将奖盃带返乌克兰