曼城大战利物浦全球瞩目，已经挂靴嘅前曼城射手阿古路仍然非常留意「蓝月亮」动向，并向主帅哥迪奥拿作出建议，认为今场必须用菲尔科顿踢正选，就可以大大提升胜算。

阿古路话：「曼城上场欧联对马体会，又系我最锺意嘅科顿改变战局，我唔知佢现时处境，但哥迪奥拿应该重用佢，佢可以撕开任何球队防线。」菲尔科顿上场欧联，後备上阵80秒就贡献助攻，传畀奇云迪布尼射入全场唯一入球。

前曼联中场夏格维斯亦对菲尔科顿赞不绝口：「佢可以喺顶级赛事踢唔同位置，右翼、中场、伪9号、10号位，我认为佢系新大衞施华。」菲尔科顿近2次对利物浦，都取得入球，可以话系「红军杀手」。