【赛後解码】最强进攻铁三角 热刺後劲凌厉
2022-04-12 来源: 八一体育 点击
热刺喺英超以4比0大胜阿士东维拉,获得联赛4连胜,合共攻入14球,其中近2仗就轰入9球,火力惊人。哈利卡尼、孙兴民、古路施夫斯基成为入波泉源,自从古路施夫斯基2月首次为热刺喺英超披甲以来,3人成为呢段时间创造最多英超入波嘅前3位球员,可以话系英超最强「进攻铁三角」。
射手哈利卡尼虽然今场冇波入,但就贡献2次助攻,包括传畀孙兴民射入,呢位英格兰国脚已经21次喺英超助攻「老孙」入波,史上仅次於车路士经典拍档林柏特24次传畀杜奥巴入波。
古路施夫斯基绝对系热刺冬季最佳收购,佢今场1传1射,已创造9个英超入波,以呢位瑞典国脚首次为热刺喺英超上阵计起,哈利卡尼喺英超创造13个入球,孙兴民创造12个入球,3人成为呢段时间,创造最多英超入球嘅前3位球员。
上一篇:孙兴民轰入3球 追平C朗英超「戴帽」 | 下一篇:儿童慈善组织同C朗割席 曼联不作处分 |
相关阅读
- 05-24曼城先声夺人!孖宝齐攞英超最佳奖项
- 05-24C朗受伤缺阵煞科战 曼联随时冇埋欧霸资格
- 05-24正式反面!罗拔仔经理人:拜仁已成历史!
- 05-2421/22英超冠军-曼城-最终战骇人游戏
- 05-24曼联新帅首次专访 10条妙计激活红魔鬼
- 05-24奇兵根度简省两粒 曼城戏剧性反胜维拉夺冠
- 05-24孙兴民激斗沙拿齐夺金靴 亚洲史上第1人
- 05-24感激曼城支持 辛真高想将奖盃带返乌克兰
更多>>精选阅读