巴塞隆拿球星碧基一向「百足咁多爪」，佢除咗系一队电竞队嘅老板後，最近又投资一间电子游戏开发商《GOALS》，据悉首轮集资已筹到1,500万美元，势喺足球游戏市场杀出一条血路。

以斯德哥尔摩为基地嘅足球线上游戏公司《GOALS》，早前举行首轮集资，投资者包括知名国际公司Moonfire Ventures、Banana Capital等，而巴塞隆拿球星碧基亦都系其中之一。据悉游戏筹集到近1,500万美元，资金第一步会用喺帮助公司增加游戏营运者。

游戏创办人表示，《GOALS》系一种运用区域链技术嘅游戏，玩家嘅资产可以透过游戏而赚取，并可以以点数形式互相交易：「我认为玩家值得拥有一种新嘅游戏方式。《GOALS》嘅玩家可以真正拥有游戏内嘅资产，而非租用佢哋。」碧基除咗系呢只游戏嘅其中一位投资者外，同时佢亦系一队电竞队嘅老板，早前仲成立过一间体育投资公司Kosmos Holding。