曼联以3比2击败诺域治，开赛7分钟，C朗就入波，打破1个月入球荒，传波畀佢嘅人系19岁小将艾兰加，两人年龄相距17岁零81日，成为曼联史上喺英超合力炮制入波最大年龄相距组合。

艾兰加今季备受曼联看守领队兰历克重用，但被批评入球把握力欠佳，佢今场将勤补拙，红魔鬼打开纪录1球，全靠佢够勤力，喺进攻右路抢走对手脚下球，再传畀C朗射入。

现年11岁嘅「小C朗」早前话希望爸爸再踢多几年，将来「父子档」上阵，C朗今场就率先同艾兰加合演「父子档」进攻模式。