拜仁慕尼黑前锋罗拔利云度夫斯基，近期热传将喺夏天转投巴塞隆拿，就喺呢个风头火势之际，罗拔利云度夫斯基老婆安娜就「火上加油」，周五(15日)突然喺IG宣布开始学习西班牙文！「罗拔嫂」选择喺呢个时间讲呢啲嘢，乜意思大家心知肚明。

作为营养师嘅安娜一直系罗拔利云度夫斯基最後後盾，佢周五喺IG留言：「大家好，我已经开始学西班牙文，有乜贴士畀我呢？话畀我知。」安娜之後再用西班牙文同球迷打招呼，而背景系喺西班牙嘅马略卡岛，继续大玩暗示游戏。

西班牙传媒爆料，罗拔利云度夫斯基经理人萨哈维已同巴塞隆拿接洽，呢位波兰前锋亦决心去巴塞隆拿效力，不过拜仁慕尼黑就表明无意放人，「罗拔仔」同拜仁仲有1年合约，但续约谈判迟迟未有进展。