今晚西甲独脚戏，巴塞隆拿主场斗卡迪斯。巴塞虽然质素赢晒，但啱啱喺欧霸出局兼被破15场不败身，打窒道气；卡迪斯急需抢分护级，加上佢哋初段特别守得，一於再追半场和。■（Now 632周二凌晨3时直播）

巴塞联赛7连胜，睇落走势强劲，但喺频密赛程下已渐露疲态，上仗联赛对利云特被罚3个12码，若非门将达史特根救出其中一个，未必可以喺补时绝杀到利云特3比2。巴塞上周中出战欧霸8强次回合，主场畀法兰克福嘅锐利反击玩残，竟然先失3粒，最终输2比3，两回合计以3比4落败惨遭淘汰，15场正式赛事不败走势告终。赛後会长拉波塔嬲再震，话自家球迷将大量门票卖畀客军球迷，搞到冇晒主场气势，忽视自己球员表现差嘅问题，但主帅沙维应该最清楚，今仗一定小心翼翼。

作客嘅卡迪斯近8仗联赛只曾两败，当中打和华伦西亚及赢过维拉利尔，但仍要为护级抢分。佢哋深知自己攻力欠锐，往往先做好防守，近9仗联赛半场全部打和，其中6次半场波胆为0比0，显然初段相当集中，半场和不妨再追。