艾宁夏兰特今夏转会去向，将会系全球焦点，不过佢身价高昂，又经常受伤，签佢都有一定风险，德国传媒《SPORT1》踢爆，夏兰特为咗转会顺利，竟然要求多蒙特对佢嘅伤势情况保密，唔好公布受伤细节。

夏兰特目前正与多间欧洲顶级豪门斟介，曼城机会最大，皇马、巴塞、拜仁都有接触，其中曼城开出条件最好，基本周薪再加奖金及其他收入，最高周收入可达50万镑，不过签佢除咗贵，仲有伤病风险。

报道指，夏兰特嘅伤病问题唔简单，日前多蒙特主帅马高路斯表示，夏兰特最近一次足踝受伤，并未接受核磁共振检查，并忍痛继续操练及比赛。

数据显示，夏兰特今季因伤病错过16场球会赛事，今季为多蒙特上阵26场，入25球8助攻，曼城要有心理准备，向呢位挪威球星开50万镑周薪，但佢未必可以健健康康踢足全季。