曼联官网报道，明晚英超双红会曼联作客利物浦，瑞典新星艾兰加将获得正选机会，呢位19岁快翼踢法瞻前顾後，得到看守领队兰历克点名称赞，期待佢同王牌前锋C朗继续合作入波。

艾兰加上季由曼联U21升上曼联一队，但仅上阵2次，今季获得重视，至今上阵21仗入3球，上仗对诺域治，靠佢前场逼抢再助攻C朗开纪录，其後再於前场博得罚球畀C朗直射入网戴帽，虽然C朗年纪几乎系佢双倍，但呢位葡萄牙巨星今季返曼联，终於搵到个好拍档。

兰历克表示：「我要喺艾兰加同拉舒福特之间作选择，我觉得艾兰加不单喺对诺域治嘅助攻开纪录一入球表现出色，佢嘅防守亦做得好好。」反观拉舒福特，上仗後备落场系佢第300次为曼联上阵，但攻防数据一片空白，艾兰加明显已超越福仔抢去正选席位，获得重用。