曼联啱啱作客成场捱打下，最终以0比4大败畀利物浦，赛後一向敢言嘅名宿加利尼维利，就毫不保留咁作出批评，认为球队目前无论球场内、外都已经彻底崩溃，而最大原因就系球员权力凌驾於教练，甚至仲直插喺佢42年嚟见过最烂嘅「红魔鬼」。

曼联近年引入唔少大牌球星，好似保罗普巴、C朗拿度等，不过球队成绩唔单止无太大提升，仲成日传出将帅不和等负面新闻，加利尼维利喺《天空体育》节目中，认为主要问题系球员权力凌驾於教练，：「你睇利物浦、车路士、曼城，教练一定系主要人物。但过去10年内，曼联基本上将球员，提升到神一样地位，但佢哋完全无任何表现。」

「加利佬」续指曼联目前球场内、外都已经彻底崩溃：「季初我以为球队仲有希望，但如今见到完全喺毫无用处，绝对系废物！另外球场、训练场已经滑落到二流水平，实际上球队需要投资，但老板每年仲要拎走2,500万英镑，根本由管理层开始已经好糟糕。」