曼城虽在欧联8强淘汰马体会，但有睇波都知「蓝月亮」系惨胜，球队元气大伤，之後嘅英足盃4强对利物浦结果输2比3出局，不过究竟球员有几伤？哥迪奥拿日前话，该仗之後球员共接受71次治疗！

哥迪奥拿表示：「球队医疗组同我讲，对马体会两回合赛事之後，球员共接受71次治疗，系71次，我讲真嘅，呢啲数字都系医疗组畀我嘅。」

「咁样好唔正常，系反常，踢完马体会两回合，每次练波，唔系一个两个，系一大批球员去治疗，喺英足盃赛前嘅操练，场边放咗6张按摩床，球员只能瞓喺度睇住冇对马体会嘅球员练波。」

当初施蒙尼讽刺哥迪奥拿「会用赞美嘅言词嚟鄙视你」，而呢次哥迪奥拿讲佢哋球员嘅治疗情况，言语之间，其实每一句都闹紧马体会杀伤足球嘅祸害。