英国《每日邮报》爆料，指韦斯咸中场迪格兰赖斯第3次拒绝会方开出嘅续约条件，意味好大机会申请今夏离队，曼联同车路士都有意签入呢位23岁英格兰国脚。

迪格兰赖斯近年表现出色，成为英超最炙手可热嘅防守中场之一，所以就算佢仲有2年合约在身，韦斯咸都希望尽快同呢位猛将续长约。

不过，迪格兰赖斯有意转投大球会，希望一尝捧盃滋味，对於会方开出嘅新合约无动於衷，据悉已经3次拒绝续约要求，引来曼联同车路士等劲旅注意。

韦斯咸当然唔会轻意放走迪格兰赖斯，据报将佢标价为1.5亿镑转会费，由於车路士班主阿布拉莫域被英国政府制裁，球会唔可以收购新球员，曼联成为潜在最大买家。