阿仙奴迷收购车路士?韦斯塔本寸爆黑帝
2022-04-24 来源: 八一体育 点击
车路士即将落实卖盘结果,英国《天空体育》爆出F1「车神」咸美顿同美国网球巨星S威廉丝,同财团集资提出收购「蓝战士」,呢单收购嘅「明星效应」相当显着,不过咸美顿嘅阿仙奴球迷身份深入民心,连佢嘅「死敌」麦斯韦斯塔本都忍唔住寸爆:「阿仙奴球迷收购车路士咁有趣?」
据报咸美顿同S威廉丝,过去几个星期同马田布劳顿领导嘅英国财团接洽,消息指两位巨星会各自集资1,000万镑,加入该前利物浦主席及前英航主席嘅财团,虽然呢个数字只占25亿镑收购计划嘅小部份,但系如果马田布劳顿接纳2人兼且顺利中标,咸美顿同S威廉丝就会成为车路士股东之一。
呢个计划曝光後引嚟唔少回响,尤其系咸美顿嘅身份相当尴尬,呢位7届F1总冠军一直系另一伦敦球会阿仙奴球迷,过去多次公开表示自己系「厂迷」,唔单止有阿仙奴嘅纹身,2015年更曾经披起阿仙奴波衫踢慈善赛,依家突然走去收购车路士令人搲爆头。
对於咸美顿嘅举动,佢死对头麦斯韦斯塔本亦睇唔过眼:「我本身系燕豪芬球迷,所以永远唔会收购阿积士,如果我要买球会就要话晒事,唔会只系买少少股份。乜咸美顿唔系阿仙奴球迷咩?一个阿仙奴球迷收购车路士真系好有趣,每个人都可以决定点用自己啲钱,大家就放长双眼睇下个结果。」
上一篇:【澳职】墨尔本胜利「克」敌有法 | 下一篇:华盛顿联队斟加里夫巴利 人工势超越朗 |
相关阅读
- 05-24曼城先声夺人!孖宝齐攞英超最佳奖项
- 05-24C朗受伤缺阵煞科战 曼联随时冇埋欧霸资格
- 05-24正式反面!罗拔仔经理人:拜仁已成历史!
- 05-2421/22英超冠军-曼城-最终战骇人游戏
- 05-24曼联新帅首次专访 10条妙计激活红魔鬼
- 05-24奇兵根度简省两粒 曼城戏剧性反胜维拉夺冠
- 05-24孙兴民激斗沙拿齐夺金靴 亚洲史上第1人
- 05-24感激曼城支持 辛真高想将奖盃带返乌克兰
更多>>精选阅读