今季闹到曼联反转嘅前队长坚尼，有机会再执教，英国多间传媒报道，坚尼正与苏超球队喜伯年斟介，有机会成为该队领队，如果坚尼真系再执教，唔使再评论曼联，曼联可以安心重建，曼迷就耳根清静啦。

消息指喜伯年近期又炒领队，执教4个月嘅马隆尼被炒，依家物色新领队，坚尼系人选之一，喜伯年现时喺苏超护级组角逐，但以佢哋实力无降班危险，可以畀新领队「拨乱反正」。

坚尼季初曾与英甲新特兰传出绯闻，有机会回巢执教，可惜因合约年期倾唔掂告吹，事实上坚尼自从2011年离开叶士域治之後，已超过10年未做过主教练，期间只做过爱尔兰国家队助教、阿士东维拉助教及诺定咸森林助教，希望佢可以顺利执教喜伯年，将佢批评曼联嘅理论，喺苏超实践出嚟。