曼联後防表现一直为人诟病，究竟有几差，一个统计畀到答案。一项统计由上季至今接近两个球季，计算球员失误被对方射门排行榜，前10球员当中曼联球员竟然占其4，其中两人更占据榜首同次席，榜首系边个相信大家都估到，就系队长哈利马古尼！

呢个榜计算2020至21球季至今，英超球员因失误导致对方射门次数，马古尼一直系曼联後防最大漏洞，呢个榜嘅统计一览无遗，呢位曼联队长近两季上阵62场，共7次失误导致对方射门，排名榜首！

至於排第2嘅同样系曼联球员，佢就系防中尼曼查马迪，不过佢上阵次数冇咁多，近两季合共仅上阵40次，但都有6次失误导致对方起脚，马迪同马古尼坐镇中路，简直令到曼联中门大开，对方可以长驱直入。

曼联球员喺呢个失误榜10大占咗4席，前两位已经公布，相信跟住呢两个都唔难估，佢哋就系一对二闸劳基梳尔同云比沙卡，前者以52场4次失误排第9，云比沙卡以54场4次失误排第10；曼联除咗中路失守，左右两侧同样有重大漏洞，试问成绩点会好？