皇家马德里周三(27日)凌晨作客曼城，进行欧联4强首回合赛事，教练安察洛堤不敢怠慢，将球队最好嘅球员都带晒去英格兰，连三名一直肌肉有伤嘅主力卡斯米路、费兰特文迪同阿拉巴都齐齐出征。

不过操埋最後一课後，防守中场卡斯米路几乎肯定唔踢得。至於费兰特文迪则有6成机会出场，阿拉巴即使未完全好番晒，都会紥住上。

卡斯米路喺防中位保护住後防线，佢强大防守力能够减轻莫迪历同却奥斯防守嘅负担，等佢哋安心策划进攻，预计安察洛堤会用费达历高华维历顶卡斯米路嘅位置。

虽然「肥安」习惯踢3中场，不过西班牙传媒指，由於今场系作客关系，安察洛堤稳阵起见，或者会转踢4中场，用埋卡马云加，希望同曼城斗抢中场，截断「蓝月亮」嘅进攻。