曼联看守领队兰历克透露，前锋卡云尼已经伤愈参加操练，有望喺下周二(5月3日)凌晨英超复出上阵对宾福特。
兰历克话：「卡云尼已经缺阵4至5星期，关於佢能否复出上阵对宾福特嘅问题，我认为佢应该唔会踢正选，但起码可以喺後备席候命。」
35岁嘅卡云尼自从3月中欧联上阵对马体会之後，一直因伤缺阵，盛传呢位乌拉圭国脚可能今季结束之後离队，余下3场英超随时成为佢效力红魔鬼嘅最後表演机会。
