坦哈格已确定来季出任曼联主帅，照计呢段时间同新东家会有好多交流，但实情系相反，坦哈格叫曼联高层呢段时间某啲日子唔好搵佢，因为佢要帮阿积士全力冲击荷甲冠军。

英国传媒报道，在官宣来季接掌曼联後，坦哈格近期同曼联有频繁交流，为来季组军做好部署，不过坦哈格有个条件，就系阿积士比赛前48小时内，曼联高层都唔好搵佢，以免影响阿积士比赛。

事实上荷甲今季争持颇为激烈，阿积士暂以78分排榜首，仅领先次席燕豪芬4分，余下3轮赛事要再赢2场，阿积士才确保荷甲冠军到手，依家争冠紧张关头，曼联嗰啲无谓嘢就唔好烦佢啦。