早前有传曼联队长哈利马古尼因为膝伤，将会缺阵今季余下赛事，但红魔鬼看守领队兰历克透露，呢位中坚仍然有机会喺余下2场英超复出对白礼顿同水晶宫。

兰历克话：「首先要观察一下哈利马古尼周三(4日)操练情况，如果冇问题，唔排除佢今季仲可以参赛。」哈利马古尼上月英超对利物浦一役受伤，已经缺阵3场比赛，佢近年喺比赛中不时犯错，甚至曾经误伤队友C朗同保罗普巴，难怪唔少网民认为马古尼复出对於曼联未必系好消息。

另外，翼锋查顿辛祖早前因为扁桃腺发炎入院，兰历克表示已经同呢位英格兰国脚联络过，佢已经出院返回屋企休息，身体情况良好，但一定无缘下仗对白礼顿，至於能否喺煞科战复出对水晶宫，仍然系未知之数。