今季再度四大皆空嘅曼联，以往都系「英超最佳草地奖」常客，奥脱福块草地畀人赞吓当做心理安慰，但估唔到今季连呢个奖都冇埋，热刺官网宣布，佢哋获得本年度「英超最佳草地奖」，更出咗篇千字文大肆宣扬！

热刺攞草地奖消息一出，几乎所有人都谂起曼联，因为呢个最佳草地奖，一路都系网民用嚟耻笑曼联冇得捧盃用嘅，而今季仲惨，连「草地奖」都冇埋，曼联今季两手空空乜都冇作结。

至於热刺，佢哋咁高兴攞到草地奖亦有原因，佢哋新球场新落成启用，就唔好彩遇上疫情爆发，捱到今季攞番个草地奖都叫做有番个安慰，而球队正同阿仙奴争紧英超前4，攞到个草地奖，可能有利刺激士气，球员会更搏命争取欧联资格，希望来季用呢个球场踢欧联。