车路士班主阿布拉莫域受到英国政府制裁後，卖盘一事已经拖咗近2个月仍未有定案，近日有传阿布拉莫域喺交出中作出「刁难」，包括要买家偿还15亿镑嘅私人贷款。不过阿布拉莫域周四(5日)发出声明，话传闻系虚假消息，据报美国富商Todd Boehly嘅收购已进入最後阶段，预计好快成事。

阿布拉莫域入主车路士19年来，先後向球会以私人借贷方式「注资」15亿镑，早前宣布卖盘嗰阵，亦表明会将呢笔巨额借贷删除，直到近日传出阿布「反口」向买家追数，车路士即发出声明澄清：「首先，阿布拉莫域希望将卖盘收益捐畀慈善机构嘅用意并冇改变，而且并冇参与卖盘过程；第2，阿布拉莫域并冇要求买家偿还贷款，呢个消息同阿布拉莫域临时提高卖价嘅报道都系失实。」

据英国《Football London》报道，美国富商Todd Boehly嘅财团已被选为「最合适买家」，交易程序亦去到最後阶段，预计可以喺5月31日嘅限期前正式宣布易手。