费格逊与C朗面谈 力劝留队
2022-05-09 来源: 八一体育 点击
C朗今季回巢曼联,主要因为费格逊铺桥搭路,一季过去,现时曼联处於换帅交接期,尚余1年合约嘅C朗去留存疑,英国传媒报道,近日费格逊曾与C朗面谈,讨论去留问题,费爵爷力劝C朗留队。
C朗同费格逊住得好近,同在柴郡,近日费格逊喺家中举办私人聚会,邀请爱徒C朗出席,席上费Sir希望C朗至少再效力曼联多1年,以扞衞佢喺梦剧场嘅传奇地位。
曼联已经无缘来季欧联,极其量只能踢欧霸,喺英超亦肯定唔够曼城、利物浦、车路士打,C朗喺曼联已经浪费1年,会否再花1年帮曼联重建,要佢自己谂清楚。
除咗力劝C朗留队,费爵爷近日亦亲自致电候任主帅坦哈格,祝贺对方即将成为曼联新帅,坦哈格亦把握机会,喺电话中询问费Sir大量关於曼联嘅问题,但曼联嘅问题一言难尽,相信费Sir嘅回覆都系答咗等於冇答。
上一篇:心寒!C朗拿度「输到笑」 | 下一篇:C朗个名都串错 曼联官网遭耻笑 |
相关阅读
- 05-24曼城先声夺人!孖宝齐攞英超最佳奖项
- 05-24C朗受伤缺阵煞科战 曼联随时冇埋欧霸资格
- 05-24正式反面!罗拔仔经理人:拜仁已成历史!
- 05-2421/22英超冠军-曼城-最终战骇人游戏
- 05-24曼联新帅首次专访 10条妙计激活红魔鬼
- 05-24奇兵根度简省两粒 曼城戏剧性反胜维拉夺冠
- 05-24孙兴民激斗沙拿齐夺金靴 亚洲史上第1人
- 05-24感激曼城支持 辛真高想将奖盃带返乌克兰
更多>>精选阅读