车仔新老细入场睇波 球队失分劲样衰
2022-05-10 来源: 八一体育 点击
周六(7日)晚英超车路士主场迎战狼队,车仔新老细Todd Boehly入场睇波,经历球队上半场两度入波被判诈胡,虽然凭卢卡古下半场2分钟内梅开二度,但最终车路士守唔到尾,畀狼队连追2球,双方以2比2打成平手,车仔新老细第一场波就经历晒球队高低起跌。
由於嚟紧有周中快车同英足盃决赛,车路士今场进行轮换,前线由卢卡古及迪姆华拿攻坚,基斯甸普列锡做支援,虽然球队占咗主导,但上半场攻门始终攞唔到甜头。
车仔曾经两度将皮球送入网窝,但都被判无效,包括迪姆华拿34分钟入波,但被指入波前推跌狼队守衞,及38分钟罗夫度斯卓克喺角球攻势,混乱中射入,亦被判越位在先,罗夫度斯卓克嘅入波更令新班主喺贵宾席企喺身拍手兼吹晒口哨庆祝,但最终只能空欢喜一场,上半场双方踢成0比0。
下半场出嚟无耐,卢卡古56分钟博到12码,自己亲自操刀射入,2分钟後呢名比利时前锋,把握狼队後防交失波,於禁区外弯过靓波,帮球队领先到2比0。不过狼队先由法兰斯高查卡奥追番1粒,去到补时6分钟,狼队高亚迪门前撞入,追成2比2完场。
上一篇:新核心推荐签同乡 纽卡素下季「森巴 | 下一篇:灾难性球季 曼联创下10大耻辱纪录 |
相关阅读
- 05-24曼城先声夺人!孖宝齐攞英超最佳奖项
- 05-24C朗受伤缺阵煞科战 曼联随时冇埋欧霸资格
- 05-24正式反面!罗拔仔经理人:拜仁已成历史!
- 05-2421/22英超冠军-曼城-最终战骇人游戏
- 05-24曼联新帅首次专访 10条妙计激活红魔鬼
- 05-24奇兵根度简省两粒 曼城戏剧性反胜维拉夺冠
- 05-24孙兴民激斗沙拿齐夺金靴 亚洲史上第1人
- 05-24感激曼城支持 辛真高想将奖盃带返乌克兰
更多>>精选阅读