西甲球会毕尔包日前宣布，35岁老将鲁尔加西亚已答应续约1年，新合约会去到2023年6月完结。呢位中场上星期先打破鲁尔嘅西甲上阵纪录，佢就话支持佢继续驰骋球场，全靠家人畀佢动力。

鲁尔加西亚喺上周六(7日)对华伦西亚，第551次喺西甲上阵，成功超越皇马传奇前锋鲁尔上阵纪录，排西甲史上第3位，仅次於苏比沙列特(632场)同祖亚昆(596场)，依家落实下季继续留队，有力再创纪录。

鲁尔加西亚表示家人畀佢继续作战嘅动力，佢喺续约後亦表示：「我嘅目标系继续取胜，同埋喺最高水平嘅赛事竞逐。」