周四(12日)凌晨荷甲赛事，阿积士主场以5比0大胜海伦芬，提前一轮锁定联赛冠军，下季将会转教曼联嘅教练坦哈格，近4季3夺荷甲冠军，将会带住「冠军DNA」进入曼联重建球队。

阿积士今场赢波即捧盃，半场时间基本上已完成任务，达利亚费高、贝侯斯同施巴斯坦贺拿入波令阿积士半场领先3比0，布罗比同艾臣奥马艾华利斯末段分别建功，协助球队凑够5比0完场。虽然次席燕豪芬亦以3比2赢奈梅亨，但喺只剩1轮下仍落後阿积士4分，肯定阻止唔到阿积士卫冕。

坦哈格第3度带领阿积士赢荷甲冠军後，下季将会过档曼联，佢庆祝期间向阿积士主场球迷表示：「我喺阿积士有伟大嘅旅程，经历一个美好嘅时代，有好成绩亦踢出漂亮足球。我哋为阿积士建造一个新嘅文化──冠军嘅意志。」呢种冠军DNA，正正系曼联重建最需要嘅元素。