近来盛传曼联球星C朗要求今夏归队，尽管呢位葡萄牙国脚一旦走人，可能会削弱球队实力，但根据英国《泰晤士报》爆料，有部份红魔鬼球员其实好希望C朗脱离，因为冇咗呢位「大佬」睇住，感觉更自由，会有更好发挥。

C朗上年夏天重返曼联後，体现出极强争胜心，令队友们感到压力，加上佢十分重视饮食健康，亦令其他球员唔敢乱食嘢。中坚艾历拜利曾经讲过，C朗来到曼联之後，队友们都冇再食甜品，冇人敢食，我们坐低一齐食饭时，都会先睇下C朗食啲咩。

除咗饮食问题之外，C朗加盟曼联後，亦令影响其他球员场上体现，最显着系般奴费南迪斯变得好迷失，或许C朗归队，真可以「拯救」到呢位葡萄牙同胞。