今届世界盃决赛周将於11月21日喺卡塔尔揭幕，英国《每日邮报》爆料，指英格兰主帅修夫基可能唔会拣选冇打新冠肺炎疫苗嘅球员入世界盃大军名单，以免因为隔离检疫问题，影响球队备战。

根据卡塔尔防疫规定，冇打新冠肺炎疫苗嘅球员，入境之後需要隔离5日，唔可以参加操练，肯定影响备战，甚至有缺阵首场分组赛嘅风险。因此，修夫基可能被逼放弃冇打疫苗嘅球员。

事实上，近期有唔少英超球会因为有球员疑似冇打疫苗，唔可以随队去外国集训及踢热身赛，包括车路士中场尼高路简迪、罗夫度斯卓克，曼城中场菲尔科顿、根度简、中坚史东斯。

除咗修夫基之外，其他国家队主帅都可能面对相同烦恼，据悉国际足协正在游说卡塔尔当局放宽防疫规定。