【有片】防线发梦 车路士惊现愚蠢乌龙波
2022-07-18 来源: 八一体育 点击
周日(17日)早上喺美国举行嘅季前热身赛,车路士以2比1击败CF阿美利加,但主角并非入波功臣迪姆华拿、美臣蒙特,而系右後衞列斯占士及门将比迪尼利,2人梦游球场,合力制造世纪乌龙波,非常丑怪。
双方上半场互交白卷,全场3个入波都系来自後备上阵球员,55分钟列斯占士右路传中,迪姆华拿起脚被门将奥斯卡占美尼斯扑出,佢再补射入网。
5分钟後出现全场最「奇异」一幕,列斯占士喺禁区边右路转身回传,可能冇留意门将比迪尼利企位偏离龙门,比迪尼利回身出脚拦截,已鞭长莫及,只能睇住个波入网。
列斯占士唔带眼传波,固然要负责任,至於比迪尼利系车仔第3号门将,上季仅上阵1次,同队友欠缺默契,最终造成今次乌龙波,恐怕领队杜曹新一季更加唔敢畀呢位30岁门将上阵。
幸好比赛末段,美臣蒙特射入世界波,协助车路士赢2比1,否则列斯占士、比迪尼利就孭晒镬,车路士下仗热身赛将於7月21日早上对夏洛特FC。
相关阅读
- 07-18阿仙奴公布访美名单 「强奸疑犯」有份
- 07-18曼联第3签即将到手 阿根廷屠夫来投
- 07-18罗拔佬返拜仁练波 hea到极点
- 07-18【港讲J.League】唔讲一唔讲三 讲「义」 盘点日
- 07-18森巴足球的边路希望?!Raphinha的不专业球探报
- 07-18C朗「失踪」後首现身 曼联波裤露玄机
- 07-18云达沙助攻 劝掂阿积士放利马过曼联
- 07-18为赢波无所不用其极 名帅奇招你估佢唔到
更多>>精选阅读