曼联若重返欧联 坦哈格袋300万镑奖金
2022-07-25 来源: 八一体育 点击
曼联今夏改由荷兰名帅坦哈格执教,最大目标就系重返欧联赛场,据英国《太阳报》报道,「红魔鬼」向坦哈格发出巨额奖金,如果佢可以带领球队拎到欧联资格,可以「独袋」300万镑奖金,认真和味!
坦哈格喺曼联年薪为900万镑,只系得同市死敌曼城领队哥迪奥拿人工嘅一半,不过坦哈格合约内就有唔少奖金条款,只要达到某啲成绩就可以「解锁」,其中欧联资格系最重要一项,只要实现就可袋走300万镑,平均周薪会急增至23万镑。
报道指曼联出手咁重,系因为球队如果连续2年冇得踢欧联,赞助收入将会大缩水,好似波衫赞助商adidas嘅7,500万镑1年赞助费,当中2,500万镑系同欧联挂钩,其他赞助商亦有类似嘅条款,若坦哈格真系能够帮曼联再战欧联,呢300万镑就湿湿碎啦!
上一篇:曼联大战维拉 今日5点45分有得睇 | 下一篇:尼马赖死唔走:我仲有5年合约 |
相关阅读
- 07-25辛真高入「厂」 一项神数据带旺阿仙奴?
- 07-25尼马赖死唔走:我仲有5年合约
- 07-25咁都得?曼联「折衷方案」解决C朗问题
- 07-25古古列拿想去曼城 不满白礼顿阻佢发达
- 07-25夏兰特首战一箭定江山 曼城击败拜仁
- 07-25搞边科?夏萨特未开季又受伤
- 07-25卢卡古变「肥佬」 焗食「地中海餐」
- 07-25麦巴比做队长兼开斋 PSG赠红钻3蛋
更多>>精选阅读